I depressoî de lengua son di strumenti essençiæ deuviæ inti exammi medichi, sorvetutto pe l'examme vixivo da bocca e da goa. Son pe commun fæti de legno, plastica ò metallo. Diversci mateiæ an de beseugno de protocòlli speçifichi de conservaçion pe garantî l'igiene, a seguessa e l'efficaçitæ.
Requixiti pe l'ambiente
I depressoî de lengua dovieivan ëse conservæ int'un ambiente secco, ventilou e netto pe schivâ l'umiditæ ch'a peu provocâ a moffa (mascime in sce quelli de legno) ò a corroxon do metallo. A tempiatua ideâ de conservaçion a l'é 18-25 graddi , e l'umiditæ relativa a dovieiva ëse mantegnua tra o 40% e o 60%. E aree de conservaçion dovieivan ëse lonxi da-i desinfettanti chimichi, da-e sostanse corroscive, e da-a luxe diretta do sô pe prevegnî a degraddaçion do mateiâ ò i cangiamenti inta prestaçion.
Clascificaçion e conservaçion
I depressoî de lengua de plastica da deuviâ un solo son fornii pe commun imballæ individualmente. Sensa arvî, peuan ëse conservæ inte un armäio sterile ò un vassoio de trattamento. Unna vòtta averti, dovieivan ëse marcæ co-a dæta de scadensa e deuviæ o ciù a-a spedia poscibile. Se un depressô de lengua de legno o l'é da deuviâ torna, o dovieiva ëse ben ben netto e sterilizzou à erta temperatua. Dapeu o dovieiva ëse misso drito in sce un cremagliê dedicou ò misso à ciatto in sce un vassoio cavo pe garantî a çircolaçion de l’äia e prevegnî a crescita di battëi. I depressoî de lengua de metallo dovieivan ëse sterilizzæ, asciugæ à secco e conservæ inte un contegnuo serrou e rescistente à l'oscidaçion-.
Ispeçion e manutençion regolare
Independentemente da-o mateiâ, i depressoî de lengua dovieivan ëse ispeçionæ regolarmente pe l'intreghitæ tanto che son in conservaçion. I depressoî de lengua de legno che mostran de crenatue ò de moffa dovieivan ëse scartæ de botto; quelli de plastica dovieivan ëse ispeçionæ pe-a fragilitæ pe caxon de l'invegiamento; e quelli de metallo dovieivan ëse controllæ pe di segni d’oscidaçion. Se conscidera de nettezzâ l'aria de conservaçion e reorganizzâ l'archiviaçion tutti i trimestri, con fâ de mòddo che e etichette seggian ciæamente vixibile.
A giusta gestion de l’immagazzinamento a no l’allonga solo a duâ di depressoî de lengua, ma a l’é ascì fondamentale pe prevegnî l’infeçion incroxâ. Segge e instituçioin mediche che e case dovieivan dâ prioritæ à sta prattica.